Elwer

Elwer, Gwara Śląska ( Wiersze )

[ Pobierz całość w formacie PDF ]

Elwer

 

Ciongnie Elwer  wózyk z surowcym po drodze,

Kundel mu zafszony łasi sie przi nodze,

Na wózku mo rułki, zaruściałe gitra,

Sprzedo te klamory i kupi pół litra.

 

Ciongnie Elwer wózyk za drewninny dyszel,

Wózyk sie ugino Elwer sie kołysze,

Wisi staro tasza z flaszkami u boku,

Nazbiyroł tych flaszek, pod grubom w hasioku.

 

Nazbiyroł tam gazet, partyjnych broszurek,

Znoloz na hasioku, ormowski mundurek,

Popiersie Bieruta i portret Gomułki,

Znoloz „Mowe Drogi” i dwie suche bułki.

 

Znoloz na hasioku, kawałek oplerka,

I zdjyncie z podpisym, towarzysza Gierka,

Przeczytoł niyświyże z gazet wiadomości,

I odezwa staro po Solidarności.

 

Znoloz dwa szczewiki, krałza znoloz z miynsym,

Plakat Tymińskiego ifolder Wałęsy,

Portmanyj tam znoloz w nim pora talonów,

I kartki na cuker, trzidziyści milionów.

 

Znoloz czorne teczki, zmaraszono bluza,

Plan Balcerowicza i ekspoze Buzka,

Znoloz dwa rynkowy ze starego cwitra,

Sprzedo te klamory i kupi pół litra.

[ Pobierz całość w formacie PDF ]

zanotowane.pl

doc.pisz.pl

pdf.pisz.pl

dietanamase.keep.pl